بما اني فاضي ابكتب لكم عن " اول خوف احمر " كما يطلق عليه اللي بدأ في امريكا في أعوام 1920 خصوصا بعد ثورة البلاشفه في روسيا وقيام الاتحاد السوفيتي
نقطه مهمه .لازم تعرفها قبل ماندخل في التفاصيل .. الشيوعيين دائما يرتكزون على حقوق العمال
لان الشيوعيه اساسها تدعم العمال
تدعم العمال ضد الطبقات الثريه .. طبعا هالمفهوم يتعارض بشكل اساسي مع الراسماليه
اشياء مثل الإضراب والمطالبه بزيادة الرواتب والخ مزعجه ومعطله للعمل
بعد ما صارت الثوره في روسيا خافوا الأمريكيين انها تنتقل عندهم
خصوصا مع تنامي حركات حقوق العمال عندهم
فوضوية البلاشفه صارت هاجس
لذا انتشر مفهوم "اول خوف احمر " خصوصا عند اصحاب القرار في امريكا
لذا عملوا على تقييد اي حركات من هالنوع بقدر المستطاع الى ان حدثت الحرب العالميه الثانيه وانتقل الاهتمام لها وتحالفت امريكا والسوفيت
امريكا والشيوعيين كانوا حلفاء طول فترة الحرب .. مافي اي مشكله وماشيه الامور تماما
خسر هتلر وانتهت الحرب وبدأت الاحقاد والمطامع التوسعيه والاستحواذ على القوه تطلع على السطح
حينها بدأت الحرب البارده وبدأ معها " ثاني خوف احمر " او مايسمى " بالرعب الاحمر
"
لكن مع " الرعب الاحمر " ماكانت الامور مثل اول خوف احمر
كانت اقسى وكانت جهات آنفاذ القانون تعمل على مايعرف " بمكافحة الشيوعيه " وانتشر مفهوم يعرف بالمكارثيه .. يعود لعضو كونغرس اسمه مكارثي
طبعا مفهومه يوضح لك الى مدى وصل الامر
مكارثي كان يقول من حقنا لو شكينا بك انك شيوعي اننا نتهمك حتى بدون اي دليل
صار في موجة تخوين لناس كثير ، مكارثي استغل ذعر الناس من الرعب الاحمر وان الحرب البارده كانت في أوج قوتها
لذا الاتهامات صارت تكال من كل جهه وتشويه السمعه سهل واتهامات الخيانه ولا اكثر منها
والناس تصدق
مع مكارثي تم اتهام المئات بأنهم شيوعيين او حتى متعاطفين مع الشيوعيه اغلبهم بدون اي دليل
كان يعبث بشكل غريب مع دعم من الناس لان الناس خايفين او بالأحرى غاضبين وكارهين للسوفيت والشيوعيين
لكن بجهل كبيييير
فمجرد انك تتهم انك شيوعي مانسمع لك حتى لو كذب وراح نعاقبك
المهم اذا احد قال لك انك مكارثي ترى وصف ماهو زين
مكارثي هذا ما استمر مصير هولاء ان الناس تصحى
وقفت في وجهه المحكمه العليا مهما كان الدوله فيها دستور والعبث اللي جلس يسويه خصوصا ان استغل تهمة الشيوعيه على خصومه عشان يشوه سمعتهم مااستمر
"الخوف الاحمر" له شكل اخر في كوريا الجنوبيه خصوصا بعد الحرب الكوريه
كوريا الجنوبيه ماكانت دوله ديمقراطية مثل الان على طول
عانت من الديكتاتوريه .. واحد سبلهم اتهام خصومهم بالشيوعيه
كانت الاستخبارات الكوريه وجهات إنفاذ القانون تكيل اتهام "الشيوعيه " على اشخاص ابرياء كثير
خصوصا الخصوم .. لذا كانت فتره يستخدم فيها مايسمى " بمكافحة الشيوعيه" لمصالح شخصيه واعتبارات سياسيه والخ
هذا مايمنع ان في جواسيس وتم القبض عليهم
سوى في كوريا او امريكا
لكن هذا الجزء البشع من استغلال خوف الناس او عشان اكون دقيق غضبهم وجهلهم
انتهى
تعليقات
إرسال تعليق